Rrufeja i mer jeten 17 personave në dasmë, plagoset edhe dhëndri

196
0

Të paktën 17 persona kane humbur jetën, ndërsa me dhjetëra të tjerë mbetën të pla gosur të mërkurën pasi u goditën nga rrufeja teksa ishin duke festuar në një dasmë në veriperëndim të Bangladeshit.

Dasmorët ishin në një varkë në lumin Padma në qytetin Shibganj, ndërsa po shkonin në shtëpinë e nuses, bënë të ditur zyrtarët vendas. Mes të plagosurve ishte edhe dhëndri.

“Kemi marrë informacionin se 17 persona kanë humbur jeten, ndërsa disa të tjerë u shtruan në spital”, tha Farid Hossain, një zyrtar i policisë.

Me qindra njerëz humbin jetën çdo vit pasi goditen nga rrufeja në Bangladesh, i cili e ka shpallur këtë fenomen si një fatkeqësi natyrore prej vitit 2015 kur më shumë se 200 persona humben jeten vetëm në muajin maj, mes të cilëve 82 në një ditë të vetme.

Shumica e këtyre ngjarjeve ndodhin gjatë muajit mars dhe korrik. Ekspertët kanë thënë se goditjet e rrufesë kanë lidhje me shpyllëzimin.